Federata Shqiptare e Futbollit ka reaguar pas dhunes qe ndodhi ne ndeshjen ne Kategorine e dyte mes Permetit dh Kelcyres.
Ne kete takim lojtaret dhe stafi i Kelcyres ushtruan nje dhune te paprecedente ndaj arbitrit te ndeshjes.
FSHF-ja permes nje njoftimi per shtyp ben me dije se do te jap nje vendim mese ekstrem per kete dhune.
Njoftimi i plote i FSHF-se.
“Federata Shqiptare e Futbollit dënon të gjitha aktet e dhunës në fushën e lojës gjatë ndeshjes Përmeti-Këlcyra në drejtim të arbitrit të ndeshjes, akte të humbjes së një gjakftohtësie ekstreme dhe tërësisht të panevojshme të lojtarëve për vendimet arbitrare. Këto janë akte të dënueshme dhe tërësisht të papranueshme. FSHF po e ndjek me shumë intensitet një ngjarje të tillë dhe inspektorët dhe zyrtarët e saj po mbledhin të gjitha provat dhe informacionet e nevojshme për të paraqitur një relatim të plotë dhe për të zbardhur tërë ngjarjen në atë ndeshje.
FSHF dënon me shumë forcë të tilla fenomene që kishin kohë që ishin evituar, por siguron se komisionet do të marrin në një analizë të thellë këtë rast aspak “fair” dhe mëse ekstrem. Të tilla ekspozime dhune dhe gjaknxehtësie ekstreme janë tërësisht të dënueshme dhe nuk i përkasin frymës fair në futboll dhe do të marrin përgjigjen e duhur sipas të gjitha dispozitave që parashikon Kodi i Drejtësisë Sportive”, thuhet ne njoftimin e Federates. /b.d
