Policia e Lezhës ka arrestuar një 41-vjeçar, me akuzën se ka ushtruar dhunë ndaj një të sëmure epileptike. Burime nga Drejtoria e Policisë kanë bërë të ditur për News 24 se Kujtim Prenga, banues në Ungrej, akuzohet se në bashkëpunim me dy persona të tjerë, ende të paidentifikuar, ka shkuar në banesën e shtetases V.D., 50 vjeç, e cila është e sëmurë epileptike, në Rrënjën e Velës, Rubik.
Këta persona, pasi e kanë kërcënuar, goditur në kokë me sende të forta, e kanë lidhur dhe i kanë kërkuar asaj që të dorëzonte vajzën e saj, 18-vjeçaren me inicialet E.D., e cila ka qenë e fejuara e vëllait të të ndaluarit, dhe në ato momente nuk ndodhej në shtëpi. Mbi të tre rëndon akuza e “heqjes së paligjshme të lirisë”.
BW
