Një 46-vjeçar ka përfunduar në burg pas dhunës që ushtroi ndaj gruas së tij, në Itali.
Ai u arrestua në tentativë duke vrarë bashkëshorten, nënë të tre fëmijëve.
Sipas mediave të vendit fqinj, gjatë mbrëmjes së të hënës, policia e Materas u sinjalizua nga një telefonatë, për konflikt në një familje.
Policia ndërhyri në kohë duke parandaluar krimin.
Mësohet se 46-vjeçari, pas një sherri për motive banale, kishte nisur të keqtrajtonte gruan e tij 36 vjeçe, në prani të tre fëmijëve të tyre, 7, 14 e 15 vjeç, të cilët ishin bërë edhe dëshmitarë të skenës së rëndë.
Shqiptari, me inicialet C.A., nisi të godiste gruan dhe ta kërcënonte me vdekje, ndërsa më pas u përpoq ta godiste atë me dy thika kuzhine.
Pasi ndërhyri policia, u bë e mundur arrestimi i agresorit, ndërsa viktima e dhunës u dërgua në spital, pasi kishte nevojë për ndihmë mjekësore, pas plagëve që mori./a.m.
