Labinot Rexha reagoi për konfliktin mes Edi Kuçit dhe Joz Markut, duke e dënuar publikisht dhunën dhe sjelljen agresive.
Gjatë një lidhjeje direkte me emisionin “Shqipëria Live”, këngëtari e përshkroi Kuçin si një njeri me zemër të mirë, pavarësisht natyrës së tij disi agresive.
Rexha tha se personat që përdorin TikTok-un për të sharë, përplasur dhe krijuar konflikte gjatë transmetimeve live duhet të merren në hetim nga autoritetet.
“Ajo që pashë në televizion është një akt që e dënoj. Ne duhet të kemi këngëtarë që këndojnë këngë popullore. Në këto vite nuk kam dëgjuar një këngëtar t’i këndojë publikut këngë popullore. Është krijuar ideja se duke u bërë gangster dhe duke u rrahur mund të marrësh vëmendje. Por në këtë mënyrë humbet punën, sepse njerëzit druhen të të ftojnë në dasma. Po të isha në vend të policisë, do t’i merrja në pyetje TikTok-erët që ofendojnë live. Kam marrë më shumë se 200 mesazhe nga njerëz që kanë frikë të ndalohen nga policia”, deklaroi ai.
“Edi është disi agresiv, por ka një zemër shumë të madhe. Mjafton të qëndrosh dy minuta me të dhe ai të jep gjithçka. Është një djalë shembullor”, u shpreh Labinot Rexha.
