Byroja e Kuvendit ka përjashtuar për 10 ditë 7 deputetë të opozitës për dhunën në Kuvend gjatë seancës së zgjedhjes së kryeprokurores së përkohshme.
Mes të përjashtuarve janë edhe kryetarja e LSI, Monika Kryemadhi si dhe nënkryetari i PD, Edi Paloka.
Socialistët vendosen të përjashtojnë me 5 ditë kolegun e tyre Bujar Çela, i cili u përplas me deputeten e LSI-së, Kejdi Mehmetaj.
Gjatë seancës për zgjedhjen e kryeprokurorës deputetët e përjashtuar shkaktuan tensione në parlament, duke hedhur tymuese. Madje, kryetarja e LSI, Kryemadhi hoqi çizmet duke tentuar të godiste kryeministrin Rama.
Opozita tentoi të bllokonte seancën për zgjedhjen e kryeprokurores së përkoshme, duke u futur qartë edhe në një kurs kundër SHBA-BE.
Në kërkesën e saj, PS arsyentonte se kjo masë duhet marrë për dhunën verbale e fizike të ushtruar ndaj kryeministrit, anëtarëve të kabinetit qeveritar dhe punonjëseve të Gardës, gjatë seancës të së hënën ku u votua Prokurorja e Përgjithshme e përkohshme
Deputetët e përjashtuar:
Monika Kryemadhi – 10 ditë
Flamur Noka – 10 ditë
Bardh Spahia – 10 ditë
Kejdi Mehmetaj – 5 ditë
Endri Hasa – 10 ditë
Ervin Salianji – 10 ditë
Endrit Braimllari – 10 ditë
Përjashtohet deputeti i PS
Bujar Çela – PS, 5 ditë
