Dhuna ndaj bluzave të bardha ka nxjerr mjekët specializant në protestë në QSUT.
Kjo protest e tyre vjen pas dhunës që u ushtrua disa ditë më parë ndaj koleges së tyre.
Mjekët e rinj kanë deklaruar se ndihen të kërcënuar për jetën dhe në presion gjatë ushtrimit të detyrës së tyre . Ata kanë kërkuar siguri fizike në punën e tyre.
“Doktoresha ka qenë në shërbim dhe në orarin e punës dhe duke komunikuar vendimin e qeverisë se ditën e mërkurë të gjithë pacientët e të gjitha urgjencave do të kalojnë në spital “Shefqet Ndroqi”. Është një vendim i shpallur para disa kohësh nga qeveria të cilët ne jemi të detyruar ta zbatojmë. Kjo mjaftoi që kolegia jonë të vihet përpara situate dhune përpara pacientit dhe familajrëve të pacientit që e shoqërojnë. Kjo është e patolerueshme dhe e papranueshme” tregon një prej përfaqësueseve në protestë.
Mjekët specializantë te QSUT-ja u shprehën se dhuna ndaj bluzave të bardha në vendin e punës është e papranueshme, ndërsa pohuan se ky fenomen i detyron ata të largohen nga vendi.
