World Economic Forum ka postuar një video duke u bazuar në shifrat e Organizatës Botërore të Shëndetit në lidhje me ndotjen e ajrit dhe se sa persona humbin jetën për shkak të saj.
Janë në total 6.5 mln vdekje në vit, që i atribuohen ndotjes së ajrit, një numër ky që lë prapa të prekurit me HIV/AIDS, tuberkuloz dhe aksidentet rrugore… të marra të treja së bashku.
Në fakt sipas këtij studimi, ndotja e ajrit është kërcënimi i katërt më i madh për shëndetin e njeriut, i cili vjen pas tensionit të lartë, risqeve dietare dhe duhanit.
Dhe në këtë pjesë, Shqipëria ka të bëjë shumë, sidomos kur flitet për ndotjen e ajrit.
Në videon e postuar në World Economic Forum, rezulton se vendi ynë është njëri nga ato 10 shtete, ku ikin më shumë jetë pikërisht nga shkaqet që lidhen me ndotjen e ajrit. Nga 10 vende të prekura më shumë, numrat tregojnë që lëmë “prapa” edhe Kinën kur vjen fjala tek vdekjet për shkak të ndotjes së ajrit. Jemi vendi i pestë nga 10 vende, me një shifër prej 171.4 vdekjesh për 100 mijë persona./java/a.k
