Ndërsa viti 2021 po i afrohet fundit, Grupi Mediatik i Kinës (CMG), transmetuesi shtetëror i vendit, shpalli të hënën listën e dhjetë lajmeve kryesore nga Kina për vitin 2021.
1. 100-vjetori i themelimit të PKK-së
Partia Komuniste e Kinës (PKK) festoi njëqindvjetorin e themelimit të saj më 1 korrik me një ceremoni madhështore. Duke folur në këtë ceremoni, presidenti kinez Xi Jinping, gjithashtu sekretar i përgjithshëm i Komitetit Qendror të PKK-së dhe kryetar i Komisionit Qendror Ushtarak, njoftoi se Kina ka realizuar objektivin e njëqindvjetorit të parë – ndërtimin e një shoqërie relativisht të begatë në të gjitha aspektet.
Foto: Xinhua
2. Miratimi i rezolutës historike në plenumin e gjashtë të Komitetit Qendror të 19-të të PKK-së
Plenumi i gjashtë i Komitetit Qendror të 19-të të PKK-së publikoi një komunikatë më 11 nëntor. Plenumi, i mbajtur në Pekin nga 8 deri më 11 nëntor, përfundoi me miratimin e një rezolute historike mbi arritjet kryesore dhe përvojën historike të përpjekjeve 100-vjeçare të PKK-së. Komunikata theksoi rëndësinë e mbajtjes së lidhjeve të ngushta mes Partisë e popullit dhe bëri thirrje për përpjekje për të realizuar ëndrrën kineze të përtëritjes kombëtare. Kina është tani në një rrugëtim të ri drejt objektivit të njëqindvjetorit të dytë për ndërtimin e një vendi modern socialist në të gjitha aspektet deri në mes të shekullit.
3. Kina arrin zhvillim të qëndrueshëm ekonomik
Ndërsa viti 2021 shënoi fillimin e periudhës së Planit të 14-të Pesëvjeçar të Kinës (2021-2025), si dhe nisjen e rrugëtimit të saj për t’u kthyer plotësisht në një vend socialist modern, ekonomia kineze u vu në qendër të vëmendjes.
Foto: Xinhua
4. Forcimi i demokracisë popullore në të gjithë procesin
Xi Jinping-u ka nënvizuar mbështetjen dhe përmirësimin e sistemit të asambleve popullore dhe vazhdimin e forcimit të demokracisë popullore në të gjithë procesin.
5. Kina publikon udhëzuesin për arritjen e kulmit të lëshimit dhe të asnjanësimit të karbonit
Kina publikoi më 24 tetor një udhëzues për arritjen e kulmit të lëshimit dhe të asnjanësimit të karbonit sipas filozofisë së re të zhvillimit. Udhëzuesi i publikuar nga Komiteti Qendror i PKK-së dhe Këshilli i Shtetit përmban planin për arritjen e kulmit të karbonit deri në vitin 2030 dhe asnjanësimin deri në vitin 2060 – objektiva që Kina i shpalli për herë të parë në shtator të vitit të kaluar.
Foto: Xinhua
6. Prodhimi i drithërave vendos një rekord historik
Kina pati përsëri një vit me korrje të mbara, me prodhimin e drithërave që u rrit 2 për qind krahasuar me vitin 2019, tha Zyra Kombëtare e Statistikave më 6 dhjetor.
Foto: Xinhua
7. Rezultatet e regjistrimit të shtatë kombëtar tregojnë se Kina është ende vendi më i populluar në botë
Kina publikoi rezultatet e regjistrimit të shtatë kombëtar më 11 maj. Kina mbetet vendi më i populluar në planet, me popullsinë e saj në pjesën kontinentale që përbën rreth 18 për qind të popullsisë botërore.
8. Fluturimet hapësinore me astronaut të Kinës hyjnë në epokën e stacionit hapësinor
Me një shpejtësi si kurrë më parë, Kina dërgoi më 29 prill në hapësirë modulin bazë të stacionit të saj hapësinor, duke nisur një sërë misionesh lëshimi që synojnë përfundimin e ndërtimit të stacionit deri në fund të vitit të ardhshëm.
9. Zgjedhjet për Këshillin Legjislativ të HKSAR-it, gur kilometrik i parimit “Një vend, dy sisteme”
Në dhjetor, Rajoni i Posaçëm Administrativ i Hong-Kongut (HKSAR) i Kinës mbajti zgjedhjet e para për Këshillin Legjislativ sipas një sistemi zgjedhor të reformuar. U zgjodhën të 90 anëtarët e legjislaturës së shtatë të Këshillit Legjislativ.
Foto: Xinhua
10. Kryezyrtarja financiare e “Huawei”-t Meng Wanzhou kthehet në Kinë
Pas gati tre vjetësh ndalimi në Kanada, kryezyrtarja financiare e “Huawei”-t Meng Wanzhou u kthye në Kinë natën e 25 shtatorit.
