Në fjalën e tij në seancë plenare, kryeministri Edi Rama tha se opozita ngatërron vendosmërinë e këmbënguljen e qeverisë së tij për të cuar përpara reformat, me arrogancën.
Rama tha se kokëfortësia për të insistuar për një projekt, nuk është arrogancë, po të mos kishte ekzistuar kokëfortësia, nuk do ekzistone Parisi, ashtu sic e njohim.
Kryeministri tha se kush i ka dëgjuar drejpërdrejt, jo në salla, jo në kënde fjale, jo në dëgjesa publike, po kush i ka dëgjuar e kush i ka kthyer përgjigje me shkrim, 41 mijë njerëzve të zakonshëm, mijëra e mijëra halle duke i dëgjuar përmes një platforme përmes së cilës këta zgjedhin fjalët e zakonshme të traditës së cinizmit e përqeshjes, por harrojnë se bëhet fjalë për 41 mijë qytetarë.
“Dëgjuam dhe i kërkuam ndjesë kuksianëve se kishin të drejtë ata e jo ne. Po aty ku kemi bindje se kemi të drejtë nuk tërhiqemi. Gjithë sa kemi bërë e kemi thënë më parë. Kush i ka dëgjuar studentët sic i kemi dëgjuar ne. Dhe kush ka bërë me seriozitetin më të madh ato që bëmë ne, jo për ti hequr nga protesta por për të realizuar ato gjëra për të cilat kemi rënë dakord se kanë të drejtë, jemi të angazhuar rregullisht.
Kush i ka dëgjuar njerëzit në fshat kur janë ngritur për ndërtimin e një HEC-i. Bënin protesta për HEC në Valbonë, nuk u bënë kur u dhanë licensat, nga burri i atyre maleve, saliu dhe këtu rrinte si skuth dhe fuste kokën me shpatullave duke kërkuar ipad. Ndërkohë ne bëmë sa mundëm. Dhe kur mendojmë se nuk ka të drejtë do të bëhet si themi ne, e jo si thonë një grup njerëzish. Nuk jetojmë në një sistem barbarie, ku një grup njerëzish pengojnë një projekt”, u shpreh Rama.
g.kosovari
