GJKKO ka caktuar masën e sigurisë të arrestit me burg për oficerin e antiterrorit, Igli Haxhiaj. Haxhiaj u arrestua një ditë më parë në kuadër të operacionit të Prokurorisë së Posacme në bashkëpunim me Prokurorinë e Breshias. Gazetari Ervin Leka tha për ABC News, se ka oficeri Haxhiaj ka dhënë informacion dhe ka mbajtur kontakte me Elvis Docin i njohur si Visi i Pojës.
Grupi kriminal për trafikimin e lëndëve narkotike drejtuar nga Shqiptarë është goditur nga autoritetet italine në bashkëpunim me Prokurorinë e Posaçme SPAK.
Me urdhër të SPAK, Policia ka kryer kontolle të vendeve për 21 persona nën hetim. Në total për këtë grup kriminal janë lëshuar 24 masa sigurie nga autoritetet Italiane ku 10 prej tyre jane arrestuar ne shtetin fqinj. SPAK ka verifikuar se 6 prej personave ndaj të cilëve është vënë masë sigurie ndodhen në Shqipëri 3 prej të cilëve janë arrestuar.
Nga 3 të arrestuarit në shqipëri në pranga ka rënë dhe oficeri i Antiterrorit, Igli Haxhiaj. Oficeri i Antiterrorit dyshohet se kishte lidhje me klanet shqiptare të trafikut të drogës, ai dyshohet se gjatë kohës që ushtronte detyrën tek Forcat Operacionale ka dekonspiruar hetimet duke marrë përfitime monetare.
Hetimet për goditjen e këtij grupi kriminal kanë nisur qe në vitin 2020, ndërsa sipas hetimeve ka rezultuar se grupi trafikonte kokainë nga Amerika e Jugut në Europë.
Hetimi, i koordinuar nga Prokuroria Antimafia e Brescias, është rezultat i një pune hetimore pesëvjeçare, i zhvilluar në bashkëpunim me autoritetet shqiptare dhe zvicerane. Bëhet fjalë për goditjen e klaneve shqiptare, që akuzohen se kanë trafikuar drejt Italisë 1.3 tonë kokainë në vitet 2020-2025.
Gjatë hetimit, autoritetet kanë sekuestruar mbi 550.000 euro ‘cash’, 10 automjete, një pistoletë si dhe 130 kg lëndë narkotike kokainë dhe heroinë që në treg do të kishin vlerë rreth 12 milionë euro. Në të gjithë Italinë janë kryer 35 kontrolle banesash.
