Detaje të tjera janë zbardhur nga atentati i djeshëm inë fshatin Tapizë të Fushë Krujës.
Sipas Balkanweb, shënjestra e atentatit ishte Durim Bami.
Ky i fundit ishte në makinë me kushëririn Ervin Kodra teksa kanë kuptuar fillimisht nga një makinë paralel se do qëlloheshin.
Kur kanë filluar të shtënat Durim Bami ka devijuar me makinë dhe lëndime ka marrë vetëm Ervin Kodra. Të dy janë pyetur në Polici teksa nuk kanë lënë asnjë emër ku dyshojnë.
Policia vijon kontrollet në Krujë e Kamzë teksa deri më tani është gjetur vetëm një automjeti i djegur ”Golf 5” në Valias që dyshohet se u përdor nga autorët në atentat.
Ndërkohë makina e përdorur në atentatin e dështuar ndaj kushëririt të Durim Bamit, Ervin Kodra është gjetur e shkrumbuar krejtësisht. Mjeti u gjet në Valias, fshat i Tiranës, totalisht i djegur, një ditë pas ngjarjes që ndodhi në Tapizë.
Mjeti është djegur edhe pa numrin e shasisë, pasi autorët ia kanë fshirë paraprakisht për të mos lënë gjurmë. Brenda makinës nuk u gjet asnjë material i jashtëligjshëm. Gjithsesi, makina e llojit “Wolkswagen Golf 5”, është sekuestruar dhe është dërguar për ekspertizë të mëtejshme.
g.kosovari
