Kryeministri, njëherazi kryetar i Partisë Socialiste, Edi Rama, ndodhet sot në Vlorë ku pritet të ketë një axhendë të ngjeshur e takimeve që do të nisin në orën 09:00 e do të mbyllen pasdite vonë me largimin drejt Sarandës.
Axhenda e takimeve në Vlorë
09.00 – 10.00 | Takim me kandidatet e qarkut Vlore, ne Lungomaren e re
10:00 – 11:00| Tavolinë e rrumbullakët mbi turizmin në bregdet
Pjesëmarrës: Kryetarët e bashkive bregdetare, tour operatorë, hotelierë nga Himara dhe Vlora.
11:10 – 11:30 | Inspektim i punimeve në Muzeun Hebraik & Qendra Multifunksionale e Zhvillimit Rajonal (Rajoni 1, Faza I). Takim me bizneset e zonës historike.
11:40 – 12:00 | Rigjenerimi urban i bulevardit të palmave dhe agrumeve
12:30 | Inspektim i rrugës Bunavi – Kërkovë
13:00 – 13:30 | Rikonstruksioni i Hidrovorit të Akernisë, takim me bujq të zonës për të diskutuar ndikimin e investimit në bujqësi.
15:00 – 16:00 | Rikualifikimi i vijës bregdetare Vlorë – Radhimë – Orikum (Lot 1, 2, 3), takim me bizneset e zonës, veçanërisht me përfaqësues të sektorit të hotelerisë.
16:10 – 17:00 | Ndërhyrje në zona sportive dhe hapësira për fëmijë “Dua të Luaj” (Rajoni 4 & 5)
Takim me banorë të zonës për të diskutuar investimet në infrastrukturën e rekreacionit.
17:10 – 17:40 | Rikonstruksioni i shkollës “Lef Sallata”. Inspektim i punimeve të investimit të Ministrisë së Arsimit.
17:45 Takim me strukturat e Partisë Socialiste pranë Pallatit të Kulturës
Nisja për në Sarandë
Rama mbërriti mbrëmjen e djeshme në qytetin bregdetar, që i dha dhe mandatin e deputetit në zgjedhjet e 2021. Në një video të postuar mbrëmë në facebook ai u u bëri thirrje të rinjve dhe veçanërisht atyre të Partisë Demokratike të votojnë numrin pesë dhe Partinë Socialiste në zgjedhjet e 11 majit për të realizuar integrimin e Shqipërisë në BE.
“Deti fle, po as Vlora s’fle dhe as ‘armiqtë’ më të bukur në botë nuk flenë”, shkruan Rama, ndërsa ndan një videomesazh pas takimit të zhvilluar në Vlorë, siç thotë ai, me “të rinjtë e Partisë Demokratike”.
“Kërkoi ndihmë. Jam peng i rinisë demokratike, FRPD. Peng i një grupi terrorist. Më morën peng, qenka gjë e bukur të jesh peng. Ju falënderoj të gjithëve. Unë më të bukur se ju nuk kam parë ndonjëherë”, tha kryetari i PS-se.
Kreu i PS tha se nuk është e nevojshme që të rinjtë demokratë të bashkohen me Partinë Socialiste, por të votojnë numrin pesë në fletën e votimit për të anëtarësuar Shqipërinë në BE.
“S’ka nevojë të bashkoheni me Partinë Socialiste, por të bashkoheni te numri pesë, pastaj shohim më tutje. Bashkohemi te numri pesë, fusim Shqipërinë në BE, thajmë kënetën dhe pastaj shpërndahemi prapë”, theksoi Rama.
Më tej, Rama iu drejtua disa djemve që po konsumonin duhan, duke i këshilluar të mos e bënin një gjë të tillë.
“Ju nuk keni faj, duke humbur jeni mësuar të pini cigare, por kësaj radhe do të fitoni”, tha Rama.
