Ministri i Jashtëm Ditmir Bushati ishte i pranishëm në Komisionin e Jashtëm në një seancë dëgjimore lidhur me negociatat me Greqinë për çështjet e pazgjidhura. Duke u ndalur te çështja e Detit, Bushati theksoi se presidenti Meta, por edhe LSI ka qenë e informuar prej kohësh për bisedimet. Negociatat për zgjidhjen e çështjes siaps tij ishin edhe pjesë e programit kur PS-LSI bashkëqeverisnin.
“Presidenti i vendit ka qenë kryetar i Kuvendit dhe u zgjodh me votat e mazhorancës së kaluar, dhe ka qenë në dijeni të këtyre zhvillimeve dhe diskutimeve me palën greke. Në të njëjtën kohë kanë qenë edhe pjesë e vizionit të qeverisë, të reflektuar në programin 2013-2017, dhe natyrisht në vijim të programit që kjo qeveri ka prezantuar dhe është votëbesuar për politikën e jashtme”, tha Bushati.
Më tej ministri Bushati ka shpjeguar para deputetëve se me presidentin Meta është konsultuar para se të niste kërkesën zyrtare për autorizim.
“Presidenti nuk jep plotfuqishmëri, ligji përcakton qart se kush jep plotfuqishmëri. Presidenti jep autorizim për dhënien e Plotfuqishmërisë, Plotfuqishmëria është kompetencë e Ministrit të Jashtëm. Unë si ministër i kam kërkuar presidentit dhënien e autorizimit për fillimin e negociatave. Për ta qartësuar, i kam kërkuar presidentit autorizim për të filluar punën konkrete, për të arritur një marrëveshje me Greqinë. Me presidnetin kam komunikuar në rrugë institucionale, dhe do të vazhdoj për sa kohë unë të jem në këtë detyrë sepse na imponon ligji dhe Kushtetuta. Presidentit i ëhstë bërë kërkesa nga ana ime, para se të procedohej me kërkesën për autorizim. Kam bërë një konsultë me presidentin e republikës. Me vjen mirë që ai e ka pranuar këtë pas asaj konferencës së parë. Para se të procedoj me kërkesën kam bërë konsultën me presidentin, dhe më vjen mirë që e ka pranuar që dhe para Korçës jam takuar me presidentin, dhe e kam informuar që kërkesa do vijë në rrugë shkresore”, deklaroi Bushati.
Më tej Bushati ka dhënë edhe disa detaje lidhur me qëndrimet e palës greke në tryezën e diskutimeve. Ai tha se shteti fqinj këmbëngulte për zbaitmin e marrëveshjes së 2009-ës, gjë e cila u kundërshtua kategorikisht nga Shqipëria.
“Them një marrëveshje e re për Detin sepse duhet qëndirmi për këtë çështje. Qëndrimi dhe faktet besoj janë të njohura për opinionin publik. Qëndrimi i palës greke ka qenë konstant për zbatimi ne marrëveshjes së arritur në 2009. Qëndrimi ynë po ashtu ka qenë onstant që vendimi i Gjykatës Kushtetuese është i panegociueshëm dhe përbën vijën e kuqe për çdo qeveri”, vijoi Bushati./a.m.
