Ministri i Jashtëm Ditmir Bushati ishte i pranishëm në Komisionin e Jashtëm në një seancë dëgjimore lidhur me negociatat me Greqinë për çështjet e pazgjidhura.
I pyetur në Komision se çfarë ndodh nëse Presidenti Meta nuk jep autorizimin, Bushati është shprehur se dhënia e autorizimit është një detyrë kushtetuese e presidentit i cili nëse nuk e jep, shkel kushtetutën.
Bushati shpjegon se si Kushtetuta dhe ligji kane tre momente qe percaktojne përfshirjen e presidentit. 1- lëshimi i autorizimit, 2-autorizimi për te firmosur një marrëveshje, 3-dekreti i marrëveshjes në fund.
“Kushtetuta dhe ligji kane tre momente qe percaktojne përfshirjen e presidentit. 1- lëshimi i autorizimit, 2-autorizimi për te firmosur një marrëveshje, 3-dekreti i marrëveshjes në fund.
Presidenti do zbatojë kushtetutën dhe ligjin. Une nuk kam arsye të mendoj gjëra që nuk ekzistojnë. Pranë MEPJ ka ardhur nje letër ku Preidenca kërkon një informacion të ri për te lëshuar autorizimin. Kjo kërkesë madje nuk është firmosur as nga presidenti por nga një zyrtar i autorizuar nga presidenti dhe ne do ta shqyrtojmë letren e firmosur nga zyrtari dhe do tëjapim përgjigje profesionale.”, tha ministri Bushati në përgjigjen e tij.
