Policia gjermane ka gjetur motorin e përdorur për ekzekutimin e një shtetasi shqiptar me banim në Gjermani.
Ende nuk bëhet me dije identiteti i shqiptarit ndërkohë kanë dalë disa të dhëna për të shkuarën e tij dhe mënyrën se si u organizua atentati.
Mediat gjermane shkruajnë se shtetasi shqiptar rezulton se ka kryer 1 vit burg në Shqipëri, pasi ka dhunuar barbarisht një person në një diskotekë ku viktima kishte punuar si truprojë. Pas atij rasti shqiptari u dënua me burg dhe pas lirimit kërkoi azil në Gjermani, me pretendimin se i rrezikohej jeta në Shqipëri.
Por, pasi siguroi qëndrimin në shtetin gjerman, atij i’u bë atentat pranë shkollës ku do merrte vajzën minorene. Mësohet se autoritetet kanë siguruar disa të dhëna që mund të çojnë në zbulimin e autorëve.
Mësohet se motori që ata ëprdorën, u ble me faturë të rregullt në Hanover. Policia ka marrë në pyetje ish-pronarin e motorit./a.m.
