Dalin të tjera detaje nga shpërthimi i ndodhur në Fushë-Krujë mbrëmjen e së martës. Të paktën 3 automjete u dëmtuan pasi një sasi eksplozivi shpërtheu në lagjen ”Punëtori”, pranë disa automjeteve të parkuara.
Disa dëshmitarë okularë kanë deklaruar për mediat se kanë parë tre persona që kanë vendosur eksplozivin.
Pasi ata u larguan me shpejtësi ndodhi shpërthimi. Ndërkohë ende nuk dihet objektivi i sulmit dhe motivet e ngjarjes.
Njoftimi paraprak i policisë:
Më datë 15.11.2016, rreth orës 17:45, në trotuar në lagjen ”Punëtori”, Fushë-Krujë është hedhur një sasi e vogël eksplozivi.
Për pasojë janë shkaktuar dëme të vogla materiale duke u krisur xhamat e tre mjeteve të parkuara në anë të rrugës ku ka shpërthyer lënda eksplozive.
Në vendngjarje ndodhen Efektivat e Policisë, të cilët po punojnë për identifikimin e autorëve dhe zbardhjen e plotë të ngjarjes.
Ngjarja
Pas një periudhe qetësie, qyteti i Fushë-Krujës është tronditur sërish nga shpërthimet me eksploziv.
Një automjet është hedhur në erë me lëndë plasëse në qendër të qytetit. Ngjarja ka ndodhur rreth orës 17.30.
Paraprakisht nuk raportohet për të lënduar nga ngjarja. Në momentin e shpërthimit mjeti ka qenë i parkuar. Nga shprthimi kanë pësuar dëmtime edhe dy mjete të tjera që ndodheshin aty pranë.
Policia dhe zjarrfikëset mbërritën në vendngjarje ndërkohë ende nuk dihen motivet e ngjarjes./a.m.
