Një 26-vjeçar u vetëhodh pasditen e sotme nga kati i tretë i spitalit të Elbasanit. I riu me inicialet H.P ishte i prekur me koronavirus.
Siç raporton gazetari Aldo Kozarja 26-vjeçari po kurohej në shtëpi, ndërsa kishte shkuar me të atin për të bërë analiza në laboratorin e spitalit, i cili ndodhet në katin e tretë.
Për një moment ai i ka ikur të atit nga vëmendja dhe është hedhur. Mësohet se gjendja e tij është kritike.
Hedhja nga lartësitë e spitaleve të të sëmurëve me koronavirus është kthyer në fenomen shqetësues, ku Elbasani shënon sot rastin e gjashtë. Në Tiranë pesë persona kanë humbur jetën pasi janë hedhur nga dy spitalet Covid.
