Zbardhen detaje të reja nga dinamika e aksionit që solli arrestimin e njërit prej autorëve të grabitjes së kambistit sot në Tiranë. Efektivi i rrugores ka qenë te rruga e ‘Barrikadave’, teksa ka parë një motor (i autorëve) që po lëvizte në mënyrë të çrregullt. Ai i ka bërë shenjë që të ndalonte, por drejtuesi nuk iu bind duke u larguar. Në këtë moment, efektivi i është hedhur motorit sipër duke bllokuar njërin nga dy autorët, ndërsa tjetri është arratisur.
