Një kambisti iu grabitën plot 180 milionë lekë të vjetra në Tiranë pasditen e së martës. Ngjarja ndodhi rreth orës 16.00 shumë rpanë hotel Sheratonit, një prej zonave ku shpesh lëvizin personazhe të rëndësishëm të fushave të ndryshme.
Por si ndodhi ngjarja.
Kambsiti i kishte tërhequr paratë në një bankë të nivelit të dytë dhe ishte drejtuar për tek një pikë e këmbimit valutor. Por, në lulishten e jashtme të Sheratonit, përballë stadiumit “Qemal Stafa”, një person i maskuar nën kërcënimin e armës i ka marrë çantën me para dhe është larguar me shpejtësi.
Në një motor pak metra më larg e priste një person i dytë i cili sipas dëshmitarëve nuk mbante maskë. Grabitësit u larguan me shpejtësi në drejtim të rrugës së Elbasanit, dhe dyshohet se janë larguar nga Tirana.
Aktualisht po kqyren kamerat e sigurisë në zonën e grabitjes dhe përgjatë itinerarit të motorit.
