Aleksandër Ndoka 48 vjeç u qëllua për vdekje pranë banesës në lagjen “Nënë Tereza” nga persona të paidentifikuar, që mendohet se kanë qenë dy. Në vendin e ngjarjes janë gjetur rreth 14 gëzhoja kallashnikovi. Policia ka marrë dëshmitë e para nga familjarët pas ngjarjes. Ata kanë pohuar se kanë dëgjuar zhurmën e të shtënave me armë zjarri, por kanë deklaruar se ‘menduam se ishin qenë fishekzjarrë’.
Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes. Po kontrollohen hyrje- daljet në Shqipëri të personave të panjohur apo skeduar nga Kosova apo vende të tjera.
Pistat e hetimit
Dalin detaje te reja nga ngjarja e rende e ndodhur ne oret e para te mengjesit te sotem ne Lezhe, kur u ekzekutua me arme zjarri vëllai i ish-deputetit socialist Arben Ndoka. Ngjarja ka ndodhur në orët e para të mëngjesit, në lagjen “Nënë Tereza”.
Sipas policise, rreth orës 04:00 Aleksandër Ndoka është gjetur i vrarë me armë zjarri në mjetin e tij tip “Mitsubish” me traga AA 382 SE. Nga hetimet e para dyshohet se kane qene me shume se 2 autor, por per momentin jane ende te paidentifikuar.
Viktima eshte qelluar nga nje distance shume e afert dhe ndaj tij eshte qelluar me bresheri automatiku. Kane qene familjaret ata qe kane degjuar bresherine e armes dhe me pas kane pare gjemen dhe kane njoftuar policine.
Zyrtarisht viktima nuk ka pasur asnje procedim penal, por pista ku po hetohet është përplasja që ka pasur djali i tij në zgjedhjet e 25 qershorit në Lezhë. Samuel Ndoka, u përfshi në një sherr që përfundoi në kanosje me armë zjarri ndaj një aktivisti të LSI në zgjedhjet e 25 qershorit në qarkun e Lezhës. Samuel Ndoka 19 vjeç (djali i Aleksandër Ndokës që u vra sot) akuzohet se së bashku me kushëririn e parë Danjan Ndoka dhe disa persona të tjerë nën kërcënimin e armës kanë kanosur dhe dhunuar ditën e zgjedhjeve të 25 Qershorit, aktivistin e LSI-së, Florjan Dushku. Samuel Ndoka dhe Danjan Ndoka u arrestuan në datë 28 tetor, ndërsa u prangosën edhe dy bashkëpunëtorë të tij.
Por ky nuk është konflikti i parë i Samuel Ndokës, që u arrestua në datë 28 tetor në Tiranë me një pistoletë me 7 fishekë, pasi është një emër i njohur për policinë. Samuel Ndoka së bashku me Klajdi Ndokën dhunuan edhe nënkryetarin e qarkut të Lezhës, Agustin Marku duke e goditur disa herë me grushte dhe shqelma në një lokal në 20.02.2017.
Ngjarja
Një ngjarje e rëndë ka tronditur qytetin e qetë të Lezhës në orët e para të mëngjesit. Vëllai i ish-deputetit Arben Ndoka është ekzekutuar me armë zjarri në orët e para të mëngjesit. Ngjarja ka ndodhur në lagjen “Nënë Tereza”, rreth orës 04:00. Aleksandër Ndoka është gjetur i vrarë me armë zjarri në mjetin e tij tip “Mitsubishi” me targa AA 382 SE. Policia është njoftuar për ngjarjen nga banorët e zonës, ndërsa menjëherë pas krimit është vënë në ndjekje të autorëve. Aleksandër Ndoka është edhe anëtar i këshillit bashkiak të Lezhës.
Forca të shumta policie dhe grupe hetimore janë dyndur në Lezhë, duke nisur nga hetimet me shpejtësi, për kapjen e autorit që mbetet i panjohur. Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes. Janë ngritur pika kontrolli si dhe po bëhet krehja e zonës me qëllim kapjen e autorëve. Në mbështetje të veprimeve që po kryhen nga Drejtoria e Policise Lezhë për kapjen e autorëve, janë dërguar edhe dy grupe të FNSH Shkodër.
NJOFTIMI I POLICISË
Informacion paraprak
Me datë 09.12.2017, rreth orës 04:25, Salla Operative është njoftuar se në Lagjen “Nënë Tereza” ka ndodhur një vrasje me armë zjarri.
Shërbimet e Policisë kanë shkuar menjëherë në Lagjen “Nënë Tereza”, ku kanë konstatuar se në mjetin tip “Mitsubishi”, me targa AA 382 SE, ndodhej trupi i pajetë i shtetasit A. N, 48 vjeç, banues në lagjen “Nënë Tereza” Lezhë, i vrare me arme zjarri nga persona akoma të paidentifikuar.
Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes.
Janë ngritur pika kontrolli si dhe po bëhet krehja e zonës me qëllim kapjen e autorëve.
Në mbështetje të veprimeve që po kryhen nga D.V.P. Lezhë për kapjen e autorëve, janë dërguar edhe dy grupe të F.N.SH. Shkodër
