Zbardhen të tjera detaje për bandën e shqiptarëve që kishin krijuar një “autostradë: të tërë trafikimi, e cila niste nga Shqipëria, për të përfunduar në Itali e Hollandë. Shefi i hetimeve Lorenzo Bucossi është shprehur se vetëm nga prostituimi i një vajze në Milano të Italisë, banda fitonte rreth 1500 euro në javë. Por nëse kjo shifër nuk duket e lartë aqsa për të mbuluar mekanizmin e ekzistencës së bandës, që paratë e prositucionit i bënte kokainë dhe i rishiste me shuma më të mëdha, atëherë duhet thënë se banda kishte në dispozicion 20 vajza.
Pra nëse bëhen disa llogaritje, mesatarisht banda fitonte nga prostitucioni i tyre rreth 30 mijë euro në javë. Paratë më pas “ri-investoheshin” në Hollandë, ku grupi i 14 shqiptarëve blente kokainë dhe e shiste me shuma fitimprurëse në Itali.
“Në qoftë se 1.500 euro në javë do ju duken pak, vetëm shumëzojini për njëzet vajzat që ky grup kishte nxjerrë për të prostitutuar”- thoshte në fjalën e tij kreu i Hetimeve Bucossi.
14 shqiptarët u arrestuan gjatë operacionit “Toka Jonë” ditën e djeshme, ku nën sekuestro u vunë 7 kg kokainë, 3 kg marijuanë, brenda ambienteve të një apartamenti që përdorej nga banda.
Jo vetëm kaq. Banda ishte e njohur o vetëm për veprimtarinë e saj të gjerë, por edhe për dhunën që ushtronte ndaj vajzave që përdoreshin si prostituta… madje edhe për përplasje me armë në Milano mes grupeve rivale./java/a.k
