Ndërsa kanë kaluar pak orë nga atentati me armë zjarri që iu bë në afërsi të një karburanti në rrugën “Transballkanike” të Vlorës, 39-vjeçarit Ferdinant Llanaj dhe mikut të tij, Dritan Begaj 50 vjeç, dalin detaje te tjera.
Sipas balkanweb autori lëvizte në këmbë dhe ishte i pa maskuar. Ai dyshohet të ketë qëlluar fillimisht me një kallashnikov, e më pas ka përdorur pistoletën tip “Beretta” që u gjet në vendngjarje.
Ky i fundit, mësohet të ketë qëlluar plot 20 herë mbi makinën ku udhëtonte Ferdinant Llanaj, djali i Baftjar Llanajt i ekzekutuar 6 vite më parë në afërsi të Selenicës për hakmarrje.
Policia e Vlorës ka sekuestruar kamerat e sigurisë së bizneseve pranë vendit të ngjarjes për të parë nëse kanë arritur ta fiksojnë atentatorin.
a.ç
