Zbardhen të tjera detaje nga rrethanat në aksidentin që ndodhi mëngjesin e sotëm në Durrës, ku humbën jetën tragjikisht 4 të rinj. Mësohet se ndriçimi në autostradën Tiranë-Durrës, në vendin ku ndodhi përplasja mes dy mjeteve tip ‘Benz’ nuk ishte funksional.
Sipas të dhënave, neonët e shtyllave ishin të fikura, ndërsa për nxjerrjen e trupave nga makinat është përdorur ndriçimi i mjeteve. Burime zyrtare nga policia bënë me dije se 36-vjeçari Dashhnor Deliallisi udhëtonte kundravajtje, duke ikur kundravajtje nga Tirana për në Durrës, me mbi 150 km/orë raporton balkanweb.
Në automjetin tjetër tip ‘Benz’ udhëtonin Greta Sherifi nga Sarandë, e cila ishte shofere në mjetin tjetër, shoqja e saj Izabela Balla dhe Elona Xhuti. Sipas të dhënave që përcjellin të afërmit e viktimave, mësohet se vajzat ishin duke shkuar për në Greqi, atje ku jetonte edhe Izabela Balla.
Ngjarja e rëndë ndodhi rreth orës 4:30 të mëngjesi të sotëm, ndërsa në aksident u përfshinë dy mjete tip ‘Benz’, të cilat u përplasën “kokë më kokë” pranë Sukthit./a.m.
