Artur Kurti që u vra një natë më parë nga i biri mesa duket ishte kthyer në problem për të shoqen, Shpresën. Kjo e fundit kishte thirrur mbrëmë të vëllanë dhe djalin e saj për t’i treguar ngjarjen e fundit me ish-bashkëshortin.
Viktima kishte trokitur të shtunën në derën e shtëpisë ku jetonte Shpresa dhe në gjendje të alkoolizuar e ka dhunuar atë pas kërkesës për ta tërhequr divorcin.
Mbrëmjen e së hënës Shpresa kishte thirrur vëllanë dhe djalin e saj për t’i treguar ngjarjen e fundit ndërsa rastësisht në derë është shfaqur sërish Arturi, këtë herë me thikë. I pari ka dalë daja i djalit, Leonard Ristani, i cili është plagosur rëndë.
Në këtë moment ka ndërhyrë Jurgen Kurti i cili në përleshje e sipër ka vrarë të jatin. Ngjarja e mbrëmshme ka tronditur opinionin publik ndërsa viktima njihej si problematik dhe që e shqetësonte shpesh ish-gruan. Prej disa kohësh ata jetonin të ndarë.
Ne foto: Jurgeni dhe i ati, Artur Kurti.
