Kryeministri Edi Rama bëri pubik lajmin për ofertën zyrtare për ndërtimin e aeroportit të ri të Vlorës por pa dhënë detaje. Rama tha se deri në qershor do të çelet kantieri. Lidhur me projektin në fjalë ka dhënë disa informacione Ministria e Infrastrukturës dhe Energjisë.
Ministria e Infrastrukturës jep detaje të tjera për projektin gjigand.
Në Ministrinë e Infrastrukturës dhe Energjisë është paraqitur shprehja e interesit për projektin e Aeroportit të Vlorës. Sipas propozimit, aeroporti mendohet te ndërtohet në zonën e Akërnisë.
Oferta është paraqitur nga një konsorcium i tre kompanive ndër më seriozet, të cilat janë: Cengiz Construction; Kalyon Construction; Kolin Construction.
Me marrjen e ofertës, do të ngrihet një grup i posaçëm me përfaqësues nga Ministria e Infrastrukturës e Energjisë dhe Ministria e Financave dhe Ekonomisë që do shqyrtojë aspektet teknike të propozimit dhe ndjekë hapat e mëtejshëm në përputhje me përcaktimet ligjore. Investimi do jetë privat, pra jo me të ardhurat nga buxheti i shtetit.
/a.m.
