Dy nënshtetas kinezë janë arrestuar dhe akuzuar për transport të paligjshëm të çipeve të Inteligjencës Artificiale drejt Kinës, me vlerë miliona dollarë, ka deklaruar Departamenti Amerikan i Drejtësisë (DOJ) të martën.
Sipas DOJ, gjatë tre viteve të fundit, ALX Solutions, një kompani që drejtohej nga Chuan Geng dhe Shiwei Yang, eksportonte çipa nga SHBA drejt Kinës pa licencat e nevojshme.
Në dokumentet e gjykatës, raporton BBC, dërgesat përfshinin njësitë H100 të Nvidia që janë kthyer në një pikë kyçe në kontrollet e eksportit në SHBA për të ndaluar Kinën që të blejë teknologjinë inovatore.
Rasti tregon se vjedhja e çipeve “nuk është i pari”, tha një zëdhënëse e Nvidia. Nvidia u shet produkteve partnerëve të mirënjohur që sigurohen se të gjitha shitjet përputhen me rregullat e kontrollit të eksportit në SHBA, vijoi ajo. “Edhe eksportuesit e vegjël dhe dërgesat u nënshtrohen vlerësimit dhe vëzhgimit dhe çdo produkt i devijuar nuk do të kishte shërbim, ndihmë apo përditësime.”
Sipas dokumenteve ligjore, ALX Solutions kishte tre punonjës: Geng që merrej me financat, Yang si sekretarja e tij kurse drejtuesi ekzekutiv nuk përmendet në letra. Tre personat kishin zbatuar “autoritet të plotë vendimmarrës dhe koordinim të dërgesave” për firmën.
Në një deklaratë të DOJ, thuhet se Geng ishte banor i përhershëm në Kalifoni kurse Yang një “alien i paligjshëm” që kishte shkelur vizën.
Të dhënat e biznesit tregojnë se kompania ka dërguar mallra disa herë nga SHBA-të drejt firmave të dërgesave në Singapor dhe Malajzi mes tetorit 2022 dhe korrikut 2025, tha DOJ duke theksuar se dy vendet janë pika tranziti që “fshehin dërgesat e paligjshme” drejt Kinës.
ALX nuk ka marrë kurrë pagesa prej tyre por nga disa kompani të tjera në Hong Kong dhe Kinë. Një kompani në Kinë i ka paguar 1 milionë dollarë në janar të 2024-ës.
Dhjetorin e shkuar, ALX dërgoi çipe të ndaluara për eksport përfshirë Nvidia H100 dhe GeForce RTX 4090 GPU që janë kontrolluar nga doganat amerikane.
“As ALX Solutions dhe as Geng apo Yang nuk aplikuan apo morën një licencë nga Departamenti Tregtar”, thonë dokumentet.
Në vitin 2023, në një faturë me vlerë mbi 28,4 milionë dollarë, ALX i deklaronte Super Micro Computer, një furnizues i çipeve të Nvidia, se pajisjet ishin porositur për një klient në Singapor. Por një doganier amerikan në Singapor nuk mund të verifikonte që çipet kishin mbërritur dhe kompania e përmendur nuk ekzistonte në adresën e dhënë.
“Duket se ALX Solutions i dërgonte produktet e Nvidia drejt përdoruesve të ndryshëm.”
Në një deklaratë për Reuters, Super Micro u shpreh e gatshme për të bashkëpunuar me autoritetet.
Yang u arrestua të shtunën, kurse Geng u vetëdorëzua pas saj. Dyshja u paraqit të hënën para gjykatës federale në Los Anxheles. Nëse shpallen fajtorë, mund të përballen me 20 vite burg.
ALX Solutions nuk duket se ka një faqe interneti, thonë dokumentet. Një faqe interneti për ALX-Cloud thotë se është suplement i kompanisë.
