Policia e Barit ka zbardhur identitetin e dy shqiptarëve që u arrestuan dje në det të hapur, teksa po trafikonin 630 kg kanabis.
Shqiptarët e arrestuar janë R.L. 30 vjec dhe D. H. 23 vjec, të dy nga Vlora.
Ndërsa janë publikuar edhe pamjet e drogës së sekuestruar dhe gomones 7 metra të gjatë me një motor të fuqishëm.
Trafikantët hodhën kanabisin në det dhe tentuan të arratisen, por u bllokuan në ujërat italiane pas ndjekjes.
Kanabisi ishte paketuar në 22 pako dhe nëse do të shitej do të shkonte në 6 milionë euro fitimi.
Ndaj dy skafistëve korrierë nga Vlora është ngritur akuza e trafikut ndërkombëtar.
Në këtë deklatatë për shtyp Guardia di Financa italiane informon gjithashtu se prej fillimit të vitit 2017 janë sekuestruar përmes detit rreth 24 tonë marijuanë e Policia Financiare e Puglias ka arrestuar 32 skafistë.
Ndërkohë në të njëjtën periudhë të vitit 2016, janë sekuestruar rreth 22 tonë marijuanë.
Plot 1.3 ton kanabis u sekuestruan dje,në dy aksione njëri në ujërat ndërkombëtare dhe tjetri në Akërni të Vlorës. /a.ç
