Është vetëvrarë mëngjesin e kësaj të Shtune Olsi Ibro, një prej pronarëve të kompanive të mikrokredive i cili ishte akuzuar për mashtrimin e mijërave qytetarëve.
Sipas policisë, 45 vjeçari është hedhur nga një pallat në ndërtim në rrugën “Rramazan Shijaku” në kryeqytet.
“Më datë 20.07.2024, në rrugën “Ramazan Shijaku”, dyshohet se është vetëhedhur nga lartësia e një pallati në ndërtim e sipër, shtetasi O. I., 45 vjeç, i cili si pasojë e dëmtimeve të marra, ka ndërruar jetë në vendngjarje. Grupi hetimor po punon për sqarimin e rrethanave të ngjarjes”, njoftojnë blutë për ngjarjen.
Skema e zhvatjes së qytetarëve u zbulua nga hetuesit e Prokurorisë së Tiranës në Maj të këtij viti. Më 23 Maj, Gjykata e Tiranës lëshoi 9 masa arresti për akuzën e “skema mashtruese dhe piramidale”.
Si funksiononte skema mashtruese?
Hetimi i Prokurorisë së Tiranës nisi pas kallëzimit të bërë nga Ministria e Drejtësisë më 25 Shkurt 2020 ndaj subjekteve Micro Credit Albania, ADCA, SHP Zig, FS, FLASH si dhe përmbaruesve të tyre.
Sipas Prokurorisë së Tiranës, nga aktet e administruara rezulton se këto shoqëri morën nga banka ‘ProCredit’ 3999 kredi të konsideruara të këqija dhe të pashlyera ndër vite.
Me një shumë totale prej 7.299.203 euro përdorën një skemë shtrënguese të kredi-marrjes, ku nëpërmjet vjedhjes u imponohej debitorëve që kishin borxhe të vjetra në banka, të rimernin kredi edhe pse nuk kishin mundësi shlyerje si dhe u bllokonin nga shoqëritë përmbarimore rrogat, pronat apo makinat.
Për likuidimin e këtyre kredive të blera nga MCA, dyshohet se është përdorur vjedhja. Duke i detyruar kreditorët që të marrin kredi të reja pranë këtij institucioni financiar, për të zhbllokuar të vjetrën, që përsëri e dispononte si portofol agjencia financiare MCA.
Me marrjen e një kredie të re pranë agjencisë financiare MCA zhbllokohej përkohësisht pasuria dhe llogaritë e kreditorëve, por më vonë agjencia financiare MCA shfaqej me kërkesën për likuidimin e shumave të tjera.
Kjo skemë është përdoruar tek kredimarrës të ndryshëm, të cilët rezultojnë të jenë viktima të vjedhjes së pasurisë së tyre, duke shkaktuar një dëm shumë të lartë ekonomik ndaj këtyre shtetasve apo enteve private dhe publike.
/a.r
Ai matrapazi seijko,me emrin guvernator duhet te ishte edhe ai ne burge,poshtersia paguhet shtrejte,ne shume raste edhe me jeten.Eshte e lehte tu beshe presion e shantazhe fukarajve qe u detyruan te marrin kredi.Sejko eshte nji hajdute,qe me firmen e tije u bene kto pazardhiqe,ne kurrizin e popullit mjerane.Kjo eshte arsyeja qe SPAK,duhet te thelloje hetimet e te shkojne tek organizatori,qe eshte hajduti seiko e banditet e tije.