Të tjera detaje janë zbardhur nga krimi makabër në Itali, ku polaku Mirko Tumkov vrau djalin e tij 10-vjeçar, Matias. Nëna e djalit ishte shqiptare dhe mediat vendase e kanë identifikuar si Mariola Rapaj.
Kjo e fundit siç do ditë ka qenë në punë dhe linte djalin vetëm në shtëpi për disa orë. Në banesë Matias shpesh qëndronte me familjarë të tjerë, të cilët kujdeseshin për të, por në 16 Nëntor ai u gjend i vetëm në shtëpi.
Mariola Rapaj e telefononte herë pas here djalin e saj për t’u siguruar që gjithçka ishte në rregull. Në fillim gjithçka po shkonte mirë, por më pas Matias nuk iu përgjigj më në telefon. Mariola la menjëherë punën dhe vrapoi drejt shtëpisë, por kur mbërriti aty gjeti djalin e saj të vdekur.
Në dysheme, fëmija ishte gjysmë i mbuluar me batanije dhe afër krevatit, dhe thikën e kishte ende në fyt. Babai i tij që është dhe vrasësi i fëmijës ishte përpjekur që ta fshihte krimin.
Kanë qenë britmat e Mariolës që kanë alarmuar fqinjët, të cilët kanë njoftuar policinë. Forcat e policisë pasi kanë mbërritur në banesë kanë nisur kërkimet dhe Mirko Tomkov është gjetur pa ndenja në papafingon e shtëpisë.
Ai kishte tentuar që të vriste veten dhe të digjte shtëpinë, pasi kishte spërkatur dyshemenë me benzinë. Policia gjeti në shtëpi një çakmak dhe një shishe me benzinë.
Lidhur me këtë ngjarje policia po heton intensivisht, pasi mendohet se Tumkov kishte në plan dhe të vriste bashkëshorten e tij me të cilën ishte në proces divorci, pasi nuk ishte në dijeni në se ajo do të ishte në punë apo në shtëpi me Matias.
/a.r
