Incidenti tragjik i rrëzimit të avionit rus, ku humbën jetën 224 persona, përfshirë këtu edhe 17 fëmijë, është shpërbërë në ajër. Kështu shprehet Kreu i Komitetit Ndërshtetëror të Aviacionit Rus, Viktor Sorochenko, i cili ka thënë se Airbus A320 është shpërbërë në ajët dhe më pas copat e tij janë shpërndarë në tokë.
Grupet radikale islamike kanë kërcënuar se do të sulmojnë objektiva ruse, që kur Kremlini filloi operacionin ajror kundër forcave të ISIS në Siri . Madje në një video të publikuar nga ISIS, ngjarja u mor përsipër nga terroristët. Por, skeptikët kanë dyshime se militantët kanë armë kaq të avancuara sa të jenë në gjendje të rrëzojnë një avion nga një lartësi aq e madhe.
Avioni u rrëzua në minutën e 23-të në Gadishullin Sinai të Egjiptit në fluturimin e tij nga Sharm el-Sheikh drejt Shën Petersburgut, ku shumica e pasagjerëve ishin turistë rusë.
Ndërkaq, sipas zyrtarëve egjiptianë, gjithçka ishte në rregull me avionin deri në momentin që ai doli jashtë radarit. Por, të dyja palët hodhën poshtë pretendimin e militantëve të ISIS se ishin ata përgjegjës për tragjedinë.
Në aeroportin “Pulkovo” te Shën Petersburgut, ku avioni do ta kishte si destinacion final, u mbodhën të afërmit e viktimave, të cilët bënë homazhe për të dashurit e tyre.
Por, sipas disa ekspertëve të tjerë të aviacionit mbetet ende e paqartë se çfarë e shkaktoi që fluturimi 9268 të dalë papritmas jashtë radarit, në një mot të kthjellët, pas vetëm 23 minutave në ajër dhe të përplaset në tokë.
Kompania ajrore “Lufthansa”, “Air France” dhe “Emiratet” deklaruan se do të shmangin si rrugë për të arritur në destinacion rrugën e Sinait, derisa aksidenti të bëhet i qartë.
