Policia e Shtetit ka dhënë detaje mbi shtetasin shqiptar që u arrestua dje në Malajzi, bashkë me tetë persona të tjerë, me akuzën për terrorizëm.
Sipas policisë, i arrestuari është shtetasi me inicialet Z.K., i cili kishte mbaruar studimet e larta në Malajzi dhe punonte e jetonte prej vitesh atje.
Struktura të specializuara të Antiterrorit, në Policinë e Shtetit janë duke punuar intensivisht për rastin në fjalë, si dhe për të zbuluar nëse ka persona të tjerë të përfshirë në këtë aktivitet kriminal.
Shqiptari u arrestua më 1 Tetor në Selangor pasi dyshohej për komunikim me militantët Shtetit Islamik (IS) jashtë shtetit. Policia malajziane tha në një deklaratë se 35-vjeçari nga Shqipëria është një pedagog i cili ishte i ftuar për të dhënë leksione në një universitet publik lokal.
Gjithashtu, policia po bashkëpunon edhe me agjencitë e tjera ligjzbatuese dhe inteligjente, në vend dhe jashtë, duke shkëmbyer të dhëna
a.ç
