Një krim i dyfishtë raportohet të ketë ndodhur në Lezhë, rrethanat e të cilit janë ende të paqarta.
Policia njofton se trupat e dy personave janë gjetur të pajetë në një kodër në afërsi të fshatit Lalm i Vjetër. Viktimat janë identifikuar si Preng Simoni dhe Kole Murrani.
Sipas bluve, “dyshohet se mund të kenë humbur jetën si pasojë e përdorimit të armës së zjarrit’.
Janë shoqëruar disa persona që mund të kenë dijeni lidhur me ngjarjen.
“Në afërsi të fshatit Lalm i Vjetër, Lezhë, në një kodër, janë gjetur të pajetë, shtetasit P. S. dhe K. M., rreth 60 vjeç, të cilët dyshohen se mund të kenë humbur jetën si pasojë e përdorimit të armës së zjarrit.
Shërbimet e Policisë kanë shoqëruar disa persona që mund të kenë dijeni lidhur me ngjarjen.
Grupi hetimor ndodhet në vendngjarje dhe nën drejtimin e Prokurorisë po vijon punën për të përcaktuar shkakun e rrethanat e ngjarjes“, bën me dije policia.
Por një prej viktimave të vrasjes së dyfishtë në Lezhë që është Kol Murrani është një rapsod në qytetin e Lezhës. Burime për Dosja.al bëjnë me dije se Murrani në rrjetet e tij sociale, Kol Murrani ka postuar shpesh herë me çifteli dhe duke kënduar këngë popullore.
g.kosovari
