Zv.Ndihmës Sekretari Amerikan i Shtetit Hoyt Brian Yee ka përfunduar takimin me kreun e opozitës Lulzim Basha dhe aleatët e tjerë të koalicionit opozitar.
Në takim ishte i pranishëm edhe ambasadori amerikan Donald Lu.
Ende nuk është dhënë asnjë mesazh për përmbajtjen e takimit. Burimet bëjnë me dije se opozita kërkon plotësimin e standarteve zgjedhore, duke u shprehur e gatshme për të diskutuar edhe mbi “propozime të barasvlefshme në produktin final”. Kjo mund të shihet si një tërhqje nga kërkesa për qeveri teknike gjithsesi është ende herët të thuhet.
Zyrtari i DASH nga ana e tij e ka vlerësuar paketën McAllister. Informacione ende të pakonfirmuara zyrtarisht bëjnë të ditur se Hoyt Yee i ka risjellë Bashës në vëmendje paketën McAllister si më të pranueshmen për të zgjidhur ngërçin.
Më herët zyrtari i lartë i DASH dha një mesazh të fortë në një bashkëbisedim me gazetarët, kur tha se zgjedhjet duhet të mbahen edhe pa opozitën në datën e përcaktuar.
Po ashtu ai tha se “bojkoti dëmton imazhin e vendit, dhe se partitë që nuk regjistrohen në zgjedhje dëmtojnë veten e tyre”.
/ a.m.
