Kryeministri Edi Rama ka surprizuar liderët e pranishëm në Komunitetin Politik Evropian, duke u dhuruar atlete të personalizuara me yllin e Bashkimit Evropian – një simbol që ka shoqëruar Partinë Socialiste edhe gjatë fushatës për zgjedhjet vendore të 11 majit.
Ylli i artë mbi sfondin blu, një referencë e qartë ndaj flamurit të BE-së, është kthyer në një emblemë vizuale të komunikimit të Ramës me opinionin publik dhe ndërkombëtarët. Tani, përmes këtij gjesti simbolik, ai e çon këtë mesazh edhe në tryezën evropiane.
Atletet, një imazh modern, rinor dhe pro-evropian, janë pjesë e një strategjie komunikimi të menduar deri në detaje nga kreu i qeverisë shqiptare.
Ky veprim vjen në një moment kur Shqipëria vijon përpjekjet për anëtarësim në Bashkimin Evropian dhe synon të rrisë profilin e saj në skenën ndërkombëtare.
