Romeo Berberi, 53 vjeç mbeti i plagosur të dielën si pasojë e një plumbi në këmbë. Ngjarja ndodhi në Korçë, ndërsa mësohet se ai është jashtë rrezikut për jetën.
Policia ka marrë në pyetje dhe ka shoqëruar disa persona që kanë qenë të pranishëm në momentin kur ka ndodhur plagosja.
Raportohet se Berberi nuk është person me precedentë penalë dhe dyshohet që mund të jetë plagosur aksidentalisht.
Policia ka zbardhur një pjesë të dinamikës së ngjarjes. Sipas burimeve, autori i ngjarjes ka qëlluar me pistoletë në drejtim të lokalit ku ndodheshin disa persona. Një prej plumbave ka zënë në këmbë Berberin.
“Pra policia përjashton mundësinë që 53-vjeçari të ketë qenë shënjestra e këtij sulmi dhe dyshohet se ka qenë një person tjetër, i cili nuk dihet nëse ndodhej në lokal kur është qëlluar me pistoletë. Megjithatë policia tregohet e rezervuar në këtë pjesë. Po vijojnë hetimet, po merren të tjerë persona në pyetje”, u shpreh gazetarja
Deri më tani autori i ngjarjes mbetet i paidentifikuar
/a.r
