Detaje të reja janë mësuar në lidhje me krimin e rëndë në një familje në Tiranë, ku babai 74-vjeçar Hekuran Gjoni ka goditur për vdekje me thikë djalin e tij 37-vjeçar, Asim Gjoni.
Burime për gazetarin Igli Çelmeta bën me dije se babë e bir, në gjendje të dehur, kanë patur një konflikt pranë banesës së tyre, i cili fillimisht ka qenë verbal e më pas fizik.
Më pas, 74-vjeçari ka marrë thikë dhe ka goditur djalin e tij, i cili nga plagët e marra ka ndërruar jetë në spital.
Dyshohet se debati mes tyre ka qenë për motive të dobëta dhe se autori tashmë është shoqëruar në komisariatin numër 4 ku edhe po merret në pyetje.
Në pyetje janë duke u marrë edhe familjarë e të afërm të viktimës dhe autorit, me qëllim zbardhjen e ngjarjes.
