Teksa pak orë na ndajnë nga kongresi i socialistëve, detaje të reja kanë dalë në dritë rreth organizimit të nesërm.
Aktiviteti në Pallatin e Kongreseve të së shtunës pritet të përshëndetet nga ish-lideri laburist Tony Blair, ndërsa i ftuar është edhe një personazh tjetër historik i PS.
Bëhet fjalë për Fatos Nanon, i cili tashmë ka marrë një ftesë për të qenë prezent në Kongres. Pjesëmarrja e nesërme pritet të jetë 1500 vetë, të cilët përbëjnë edhe numrin e të zgjedhurve si delegatë. Ndërkohë, po nesër do të votohen edhe emrat e rinj të Asamblesë Kombëtare të PS.
