Detaje të reja janë zbuluar nga ngjarja e ndodhur pasditen e sotme në fshatin Maben të Lezhës, ku mbeti i plagosur me armë zjarri 29-vjeçari Odise Simoni.
Autori i dyshuar i plagosjes është identifikuar si Daniel Rama, ndërsa në ngjarje janë përfshirë dy grupe, banorë të fshatit, të cilët kanë patur konflikte të hershme mes tyre.
29-vjeçari, i cili kishte ndaluar tek një bar në aksin Lezhë-Shkodër, është qëlluar nga një automjet në lëvizje, që i është afruar. Policia bëri me dije se ngjarja ndodhi pas një konflikti të çastit, dhe se po punohet për kapjen e autorit të dyshuar.
Mësohet se i plagosuri ka marrë një plumb në dorë dhe ndodhet jashtë rrezikut për jetën.
/a.r
