Detaje të reja kanë dalë në dritë nga aksidenti tragjik që u mori jetën dy personave pasditen e sotme në Tiranë. Sipas policisë viktimat janë Erion Balla 36-vjeç nga Rrësheni i Mirditës ndërsa gruaja që humbi jetën është 72-vjeçarja H.S banuese në Tiranë.
Shkak i këtij aksidenti dyshohet të jetë bërë shpejtësia tej normave të lejuara dhe një parakalim i gabuar i njërit prej makinave. Ndërkohë ende mbetet mister si si janë përplasur dy viktimat pasi të dy janë gjetur pa shenja jete mbi trotuar dhe kanë qenë rreth 20-30 metra larg njëri tjetrit, shkruan Report TV.
Sipas policisë rreth orës 15:05, në rrugën “Xhanfize Keko”, pranë firmës “Aleat”, makina me targë AA544 SX, me drejtues Etjon Lazri, është përplasur memakinën me targë AA 758 YZ, me drejtues Edmond Murati, dhe për pasojë janë aksidentuar me pasojë vdekjen dy këmbësorët.
Drejtuesit e mjeteve janë shoqëruar ne polici për veprime te mëtejshme, ku njeri prej tyre Etjon Lazri është dërguar ne spital për ndihme mjekësore pasi ka marrë plagë.
Grupi hetimor vijon veprimet dhe po këqyr kamerat përreth vendit te aksidentit për te përcaktuar shkakun e aksidentit.
/a.r
