Një aksident i rëndë ka ndodhur në orët e para të mëngjesit, në Polenë të Korçës.
Mësohet se një automjet tip Audi pasi ka humbur kontrollin, ka rënë nga ura.
Si pasojë ka ndërruar jetë një pasagjer, ndërsa drejtuesi ndodhet në spitalin rajonal.
Korçë/Informacion paraprak
Më datë 08.08.2021, në orët e para të mëngjesit, në fshatin Polenë, Korçë, ka dalë nga rruga dhe për pasojë ka rënë nga ura e këtij fshati, mjeti tip “Audi” me drejtues shtetasin T. B.
Për pasojë kanë marrë dëmtime drejtuesi i mjetit T. B. dhe shtetasi A. Z., rreth 41 vjeç, banues në Korçë, pasagjer në mjet, i cili pas mjekimit të marrë në Spitalin e Korçës, u transportua për mjekim të specializuar në Tiranë, ku ndërroi jetë.
Drejtuesi i mjetit, ndodhet në Spitalin e Korçës, nën kujdesin e mjekëve. Grupi hetimor po punon për të zbardhur rrethanat e ngjarjes.
/a.r
