Detaje të reja dalin në dritë nga arrestimi i gjyqtares së Krujës Enkelejda Hoxha, nën akuzën e korupsionit dhe shpërdorimit të detyrës. Në një banesat e gjyqtares është gjetur një shumë prej 10 mijë dollarësh, pas kontrolleve të ushtruara me urdhër të SPAK-ut.
Pritet që të kryhen kontrolle dhe në banesat e personave të tjerë të vënë nën hetim nga SPAK, ndëkohë që janë sekuestruar dhe kompjuterat në ambientet e Gjykatës së Krujës.
Prokuroria e Posatshme Kundër Krimit dhe Korrupsionit ka dhënë njoftimin zyrtar lidhur me megaoperacionin që çoi në pranga 10 persona, përfshirë gjyqtaren e Krujës Enkelejda Hoxha, dhe zyrtarë të tjerë të këtij institucioni.
Burime bëjnë me dije se gjyqtarja Hoxha në bashkëpunim me disa persona të tjerë, po përgatiteshin që të nxirrnin nga burgu shtetasin Sajmir Petani.
Ky i fundit është i dënuar me 25 vite burg për vrasje dhe ishte ekstraduar nga Italia vetëm në Maj të 2020-tës, por duket se i rrinte ”ngushtë” burgu i Fushë Krujës, dhe për këtë ka nisur tratativat për korruptimin e gjyqtares Hoxha, e cila është e famshme për lirimin nga burgu të personazheve të njohura të botës së krimit.
Si prova materiale SPAK ka sekuestruar kompjuterat personalë të personave të ndaluar.
Gazetari i Fax News Elvis Myrta raporton se ndaj tyre SPAK ka ngritur akuzat e korrupsioni, shpërdorimit të detyrës dhe ndikimit të funksionarëve publikë.
Gjyqtarja Hoxha është bërë e njohur për lirimin nga burgu me procedura të dyshimta të disa personazheve të njohur të botës së krimit si Endrit Dokle, Genc Tafili dhe Ilir Paja, dhe po ashtu lirimin e Hekuran Billës, i cili do të vritej më vonë në një atentat në Tiranë.
/a.r
