Këto janë pamjet nga kamioni i ngarkuar me 300 kg kanabis që u ndalua mbrëmjen e së shtunës në një prej pikave doganore në kufirin shqiptaro-malazez.
Lënda narkotike ishte paketuar në mbi 180 pako dhe u gjet gjatë kontrollit të kamionit të mallrave me targa shqiptare.
Droga u zbulua nga doganierët në bashkëpunim me kolegët e Drejtorisë së Policisë, mësohet për “Vijesti”.
“Treguesit e rrezikut dhe alarmi i shfaqur në sistemin e brendshëm doganor kanë rezultuar në prerjen e zinxhirit të kontrabandës nga Shqipëria drejt Bashkimit Europian. Veprimi i sekuestrimit është nisur në bazë të autorizimit dhe analizës doganore të kryer të të dhënave të inteligjencës të Sektorit për Siguri dhe Kontroll Doganor,” bënë të ditur në një njoftim autoritetet malazeze.
Nga ana tjetër, blutë në vend sqarojnë se në bashkëpunim me policinë Malazeze është duke u hetuar rasti i trafikimit të drogës dhe po punohet për zbardhjen dhe dokumentimin e plotë të rastit.
Për rastin janë vënë në pranga babë e bir, banues në Durrës.
/a.r
