Zbulohen detaje të reja nga jeta e biznesmenit Tofik Hyka, të cilit iu bë atentat ditën e sotme në Tiranë.
Tofik Hyka mësohet se ka pasur një konflikt pronësie me vëllanë e tij, Sinan Hykën. Konflikti ka nisur ligjërisht në vitin 2012.
Sinan Hyka ka bërë padi civile në Gjykatën e Tiranës ndaj vëllait Tofik Hyka, duke kërkuar që të njihet si pronar i një toke me sipërfaqe 350 metër katror në fshatin Lalm të Tiranës.
Në padinë e civile, Gjykata e Tiranës vendosi që Sinan Hyka, vëllai i biznesmenit Tofik Hyka, të njihet si pronar i pjesës së tokës që i takon. Këtë vendim të vitit 2012, biznesmeni Tofik Hyka e ankimoi në Gjykatën e Apelit Tiranë.
Në vitin 2014, edhe Gjykata e Apelit të Tiranës vendosi gjithashtu që Sinan Hyka të jetë pronar i tokës në fshatin Lalm të Tiranës, duke rrëzuar ankimimin e biznesmenit Tofik Hyka. /b.d
