Pas kreut të PD Fatmir Mediu, i cili ka refuzuar të marrë pjesë në protestën e 6 tetorit të thirrur nga Sali Berisha për ta zhvilluar ditën e samitit të BE me vendet e Ballkanit Prërndimor në Tiranë, është dhe kreu i PL Ilir Meta ai që ka vendosur “piketat” kundër këtij tubimi.
Ndonëse Meta menndohej se në takimin me Berishën në selinë e PD do të diskutonte për koordinimin e kërkuar nga kreu i “Rithemelimit” për organizimin e transportit të pjesëmarrësve dhe masivizimin e tyre nga rrethet për në Tiranë, në dekjlaratat zyrtare nuk u përmend asnjë fjalë për protestën e 6 dhjetorit.
Kështu, kreu i grupimit më të madh në PD Sali Berisha është takuar sot me kreun e Partisë së Lirisë, Ilir Meta. Në takim të pranishëm ishin edhe sekretari i përgjithshëm i PD, Flamur Noka, si dhe kreun e grupit parlamentar të PL Petrit Vasili.
Në një reagim të bërë në Facebook pas takimit, Berisha shprehet se palët diskutuan gjerësisht për koordinimin e përpjekjeve “për mbrojtjen e interesave të qytetarëve shqiptarë nga regjimi i Edi Ramës”. Por nuk përmend asnjë fjalë për protestën e 6 dhjetorit, që me sa duket Iloir Meta e ka refuzuar pjesëmarrjen, ndonëse mbetet mister nëse vetë Berisha do të zhvillojë vetëm atë.
Reagimi i Berishës:
Së bashku me sekretarin e përgjithshëm të PD, Flamur Noka, zhvilluam një takim me kryetarin e Partisë së Lirisë, ish Presidentin Ilir Meta dhe kryetarin e grupit parlamentar të kësaj partie, Dr. Petrit Vasili.
Në këtë takim u diskutua gjerësisht për koordinimin e përpjekjeve tona të përbashkëta për mbrojtjen e interesave të qytetarëve shqiptarë nga regjimi i Edi Ramës.
Bashkëpunimi elektoral, parlamentar dhe në të gjitha fushat ishin çështje për të cilat u diskutua me frymë të plotë mirëkuptimi./m.j
