Presidenti i FIFA, Gianni Infantino, dështoi në mënyrë spektakolare të kurorëzonte kandidaturën e tij për një mandat të tretë në krye të futbollit botëror, me një shtrëngim duarsh mes përfaqësuesve të Federatës Palestineze të Futbollit dhe Federatës Izraelite të Futbollit.
Infantino tentoi të realizonte një “paqe diplomatike” përmes futbollit, duke ftuar presidentin palestinez Jibril Rajoub dhe zv/presidentit izraelit Basim Sheikh Suliman, që të shtrëngonin duart në skenë, por iniciativa dështoi pasi Rajoub refuzoi të dalë krah homologut të tij, shkruan A2 CNN.
Pas incidentit, Infantino theksoi nevojën për bashkëpunim, duke deklaruar se “këto janë çështje komplekse” dhe se duhet punuar për të dhënë shpresë për brezat e rinj.
Zgjedhjet për presidentin e FIFA-s do të zhvillohen në Rabat në vitin 2027, ku Infantino pritet të jetë kandidat kryesor dhe pa rivalë të fortë.
