Një person është tentuar që të vritet mbrëmjen e së dielës në Elbasan. Ngjarja ka ndodhur në lagjen ‘Fushë Mbret’ rreth orës 19:40 në vendin e quajtur te ‘Shinat’ , ndërsa nuk raportohet për të lënduar.
Mësohet se shënjestra ka qenë një i ri, por fatmirësisht ka shpëtuar. Paraprakisht dyshohet se është qëlluar nga një automjet në lëvizje drejt një automjeti të parkuar, ku ndodhej shënjestra.
Makina nga u qëllua me armë zjarri është larguar me shpejtësi nga vendi i ngjarjes. Policia ka marrë në pyetje shënjestrën e atentatit për konfliktet e mundshme që mund të ketë pasur kohët e fundit, ndërsa është vendosur në ndjekje të autorëve.
Automjeti me të cilën është larguar autori është identifikuar, ndërsa policia ka shoqëruar disa dëshmitarë që ndodheshin në vendin e ngjarjes.
/b.d
