Dikur ishin miq të ngushtë, e më pas në kundërshtarë të fortë, ideali dhe politika ishte ajo që i afroi, e po politika i ndau.
Kjo është historia e deputetit socialist Erion Braçe me ish-çiftin Meta-Kryemadhi. Dikur ata ishin miq të ngushtë, miqësi e cila lindi brenda Partisë Socialiste kur ata ishin shokë të të njëjtit ideal, por gjatë viteve miqësia e tyre u thye, pushteti edhe në këtë rast fitoi mbi vlerat.
Erion Braçe ka rrëfyer në “Quo Vadis” të moderatores Pranvera Borakaj në Vizion Plus, pjesëz të historisë së miqësisë së tij me ish-çiftin Meta-Kryemadhi.
Ai tha se ka qenë dëshmntar në dasmën e tyre, popr më vonë miqësia e tyre u thye dhe kjo për shkak të pushtetit.
Pjesë nga biseda:
Borakaj: Keni një foto ku jeni me Ilir Metën dhe Monika Kryemadhin, i kishit menduar ndonjëherë që do ti shikonit në këtë situatë?
Braçe: Asnjëherë.
Borakaj: I ndryshoi ata politika?
Braçe: Besoj që po. Jo politika më shumë se sa pushteti.
Borakaj: Keni qenë ju miq të ngushtë me Ilir Metën dhe Monika Kryemadhin?
Braçe: Po shumë miq.
Borakaj: Është thyer në ndonjë moment marrdhënia me ta, apo ishte e natyrshme edhe shkëputja.
Braçe: Po është thyer.
Borakaj: Pse?
Braçe: Arsye pushteti gjithmonë, jo për mua, arsye e tyre.
Borakaj: Ju ka ardhur keq?
Braçe: Patjetër që të vjen keq.
Borakaj: Me Ilir Metën apo Monikën?
Braçe: Me të dy.
Borakaj: Keni qenë ju dëshmitar në dasmën e tyre?
Braçe: Po, jo vetëm dëshmitar por edhe në dasëm. Ke qenë një dasëm krejt e vogël, familjare pa asnjë lloj luksi.
Borakaj: Ju surprizoi divorci i tyre?
Braçe: Nuk di ta them këtë gjënë, është marrdhënie e tyre e brendshme, unë nuk hyj kurrë apo të gjykoj në këtë aspekt.
