Nëna e dy fëmijëve u shpëtua nga celulari i saj iPhone pas shpërthimit të bombës nga kamikazi në Manchester Arena.
Bomba që kamikazi përdori nuk ishte si të zakonshmet, por ajo ishte e pajisur me gozhda, në mënyrë që gjatë shpërthimit të lëndoheshin sa më shumë persona. Kështu, një prej copëzave të metalit iu drejtua Lisa Brigdett, por për fat të mirë, smartphone-i i saj e ndali që ajo të lëndohej pas përfundimit të koncertit të Ariana Grandes.
45-vjeçarja tregon se po fliste në telefon në momentin e shpërthimit, dhe gozhdat mund ta kishin kapur në fytyrë, por iPhone i saj e ndali. Për fat të keq, asaj iu këput njëri prej gishtave me të cilët mbante telefonin në vesh.
Bashkëshorti i saj Steve, thotë se gruaja e tij është shumë me fat që është gjallë./a.ç
