Remzi Azemi, shtetas i Kosovës i cili kërkohej nga Interpoli për trafik droge dhe për vrasjen e shqiptarit Ilir Hidri në Ekuador në maj të vitit 2017 u arrestua në Maqedoninë e Veriut.
Azemi ishte në listën e Interpol, ndaj tij ishte lëshuar një urdhër arresti ndërkombëtar pasi akuzohet për vrajse të dyfishtë.
Shqiptari nga Kosova kërkohej nga Interpol për vrasjen e malazezit, Fadil Kacanic dhe gruas së tij, Elsa Gallegos Leon.
Krimi i dyfishtë ndodhi kur 15 persona të veshur si policë rrëmbyen çiftin dhe i çuan në vendin e ekzekutimit, në autostradën Guayaquil-Salinas.
Emri i Azemit doli në skenë për hërë të parë në vitin 2014, kur u arrestua si pjesë e mafies ballkanike në Guayaquil, Ekuador.
Siç u raportua nga gazeta ekuadoriane El Universo, gjatë procesit hetimor janë grumbulluar prova që dëshmojnë lidhjen e Azemit me këtë krim. Ilir Hidri ka qenë i dënuar më parë për trafik droge nga Amerika Latine në Europë.
Media ekuadoriane Extra, ka publikuar deklaratën e dhënë në Prokurori më 7 qershor 2017, pas vrasjes së Hidrit më 30 maj të atij viti në periferi të Guayaquil.
Remzi Azemi, në dëshminë e dhënë ka deklaruar se kishte dobësi femrat.
Në përshkrimet që bëri, ai i identifikoi të gjitha si të bukura. I gjente në vende të ndryshme si qendra tregtare, kafene apo në vendbanimin e tij për t’i takuar.
Remzi Azemi flet pesë gjuhë (shqip, serbisht, anglisht, gjermanisht dhe spanjisht) dhe thotë se spanjishten e ka mësuar nga gratë me të cilat është shoqëruar që kur ka mbërritur në Ekuador.
Më tej, në dëshmi ai tregon se kishte një partnere në Milagro, Guayas, me të cilin kishte një djalë. Ai e përshkroi nënën e fëmijës si “të dobët, latine, me flokë të gjatë dhe bjonde”.
Ai ka deklaruar se tre ditë para vrasjes së Ilir Hidrit më 30 Maj 2017 është goditur me thikë dhe ka qenë i shtruar në spital pa ndjenja. Sipas tij, ai u plagos në Pascuales.
Remzi Azemi në deklaratë ka thënë se është takuar me Ilir Hidrin sepse një mik i përbashkët i kishte kërkuar të qëndronte tek ai në rrugën “Guayaquil-Salinas”, pasi partnerja e tij kolumbiane e kishte lënë për shkak të tradhtive.
Ai shtoi në dëshmi, se kishte vendosur të kërkonte një vend tjetër për të jetuar sepse Ilir Hidri konsumonte alkool dhe kokainë 24 orë në ditë.
Kur është pyetur për aktivitetet e Ilir Hidrit, Remzi Azemi ka deklaruar se s’kishte dijeni, por vetëm se Hidri nuk mund të flinte nëse nuk merrte pilula për gjumë./m.j
