Flasin të afërmit e Juglend Kapllanaj, i riu që një ditë më parë u hodh nga terminali i Rinasit dhe u vetëvra.
Për ‘News 24’ ata kanë thënë se 23-vjeçari nuk ka pasur probleme psikike, por ishte i fejuar dhe jetonte me qera me prindërit.
Ai mësohet se kishte dy ditë që kishte shkuar në Gjermani tek të afërmit.
Policia tha dje se djali kishte mbërritur në Shqipëri në orën 15:30 nga Mynihu.
Pasi ka kaluar kontrollin kufitar në hyrje, ai është drejtuar tek informacioni i administratës së TIA-s, ku u ka thënë punonjësve se është një “Spiderman”. Teksa nuk dihet se si ai është lejuar të hipë në tarracën e zyrave të kompanive ajrore, prej nga ku u hodh nga një lartësi prej 7-8 metra.
Trupi i tij u transportua në spitalin e Traumës, por nuk mundi t’u shpëtojë plagëve të marra. /r.a
